امریکی محکمہ خارجہ کے ترجمان میتھیو ملر کا کہنا ہے کہ امریکا پاکستان میں ایسی حکومت دیکھنا چاہتا ہے جو پاکستانی عوام کی خواہشات کی عکاسی کرے۔
منگل کو امریکی محکمہ خارجہ کے ترجمان میتھیو ملر نے واشنگٹن ڈی سی میں نیوز بریفنگ کے دوران صحافیوں کے سوالات کا جواب دیتے ہوئے کہا کہ پاکستان میں قائم ہونے والی نئی حکومت کو عوام کی امنگوں کی عکاسی کرنی چاہیے۔
پاکستان میں انتخابات میں دھاندلی کے الزامات کے باوجود پاکستان میں حکومت سازی پر پریس بریفنگ کے دوران ردعمل جاننے کے لیے پوچھے گئے ایک سوال کے جواب میں امریکی ترجمان نے کہا کہ نئی حکومت کی تشکیل پاکستانیوں کی قیادت میں ایک پاکستانی عمل ہے۔ . ہم اس میں فریق نہیں ہیں۔’
امریکی محکمہ حریجہ کے ترجمان نے کہا کہ ہم چاہتے ہیں کہ پاکستان میں عام انتخابات میں مبینہ بے ضابطگیوں کی تحقیقات آگے بڑھیں اور جلد از جلد ختم ہوں۔
ایک صحافی نے ان سے سوال کیا کہ پاکستان ایران سے قدرتی گیس کی ترسیل کے لیے پائپ لائن بچھانے جا رہا ہے اور ماضی میں امریکہ نے اس منصوبے پر تشویش کا اظہار کیا تھا۔ کیا آپ کو اب بھی یہ خدشات ہیں؟
