![ZTE نے اب تک کا سب سے سستا فولڈ ایبل فون متعارف کرا دیا](https://dailyakhbarehaq.com/wp-content/uploads/2024/02/zte.jpg)
چینی سمارٹ فون کمپنی زیڈ ٹی ای نے اب تک کا سب سے سستا فولڈ ایبل فون متعارف کرا دیا ہے۔عام طور پر فولڈ ایبل فونز کی قیمت ڈھائی سے تین لاکھ پاکستانی روپے کے درمیان ہوتی ہے تاہم کچھ فونز کی قیمت ساڑھے تین لاکھ روپے تک پہنچ جاتی ہے۔تاہم ‘ZTE’ نے دیگر کمپنیوں کے مقابلے میں انتہائی سستا فولڈ ایبل فون متعارف کرایا ہے جس کی جاپان میں فروخت سے قبل آن لائن خریداری پر مزید رعایت دینے کا بھی اعلان کیا گیا ہے۔
کمپنی نے ‘ZTE: Libero Flip’ کو متعارف کرواتے ہوئے جاپان میں اپنی پری آرڈر بکنگ پر تقریبا 50% کی رعایت کا بھی اعلان کیا۔فولڈ ایبل فون کو 4300mAh بیٹری اور 33W فاسٹ چارجر کے ساتھ فنگر پرنٹ سینسر اور دیگر سیکیورٹی فیچرز کے ساتھ متعارف کرایا گیا ہے۔
کمپنی نے فون کی کل قیمت 1 لاکھ 17 ہزار روپے رکھی ہے تاہم مختلف ممالک میں فروخت کے لیے جانے پر اس میں مزید کمی کا امکان ہے۔
‘ZTE: Libero Flip’ جلد ہی پاکستان سمیت خطے کے دیگر ممالک میں لانچ کیا جائے گا اور پاکستان میں اس کی قیمت ایک لاکھ روپے تک ہونے کا امکان ہے۔