ادارہ شماریات نے مہنگائی سے متعلق اپنی ہفتہ وار رپورٹ جاری کر دی جس کے مطابق ایک ہفتے کے دوران 23 اشیائے ضروریہ کی قیمتوں میں اضافہ ہوا۔
رپورٹ کے مطابق ایک ہفتے کے دوران ٹماٹر 24 روپے 53 پیسے فی کلو، برائلر چکن 5 روپے 49 پیسے فی کلو اور کیلا 9 روپے 40 پیسے فی درجن مہنگا ہوا۔
اسی طرح چینی، مٹن، گائے کا گوشت، دہی، دال مونگ اور دال مسور کی قیمتوں میں بھی اضافہ ہوا جبکہ چائے، لہسن، دال چنا، دال ماش اور دودھ کی قیمتوں میں بھی اضافہ ہوا۔
رواں ہفتے پیاز 29روپے 17پیسے فی کلو، انڈے 31روپے 32 پیسے فی درجن اور ایل پی جی سلنڈر 58روپے 96 پیسے سستا ہو گیا۔
آٹے کے 20 کلو تھیلے کی قیمت میں بھی 10 روپے 6 پیسے کی کمی ہوئی۔
مجموعی طور پر 8 اشیائے ضروریہ کی قیمتوں میں کمی جبکہ 20 کی قیمتوں میں استحکام رہا۔
