ناروال :صدر ڈاکٹر عارف علوی نے کہا ہے کہ کرتار پور راہداری امن کی علامت ہے۔صدر مملکت ڈاکٹر عارف علوی نے کرتارپور راہداری کے دورے کے موقع پر گفتگو کرتے ہوئے کہا کہ پاکستان تمام سکھ یاتریوں کو خوش آمدید کہتا ہے، کرتارپور راہداری کے ذریعے پاکستان نے دنیا کو پیغام دیا کہ پاکستان امن کا خواہاں ہے۔
انہوں نے کہا کہ پاکستان کا پیغام امن کا پیغام ہے، بین المذاہب ہم آہنگی کے مزید اقدامات سے خطے میں امن کو فروغ ملے گا، سکھ مذہب نے امن اور اتحاد کا درس دیا، لوگوں کو آپس میں جوڑنا ہے۔
صدر مملکت نے کہا کہ سکھ یاتریوں کی آسانی اور سہولت کے لیے پاکستان کے اقدامات قابل ستائش ہیں اور مستقبل میں بھی جاری رہنے چاہئیں۔
کرتارپور کے دورے کے دوران صدر کو سی ای او پراجیکٹ مینجمنٹ کی جانب سے سکھ یاتریوں کی سہولت کے لیے کیے گئے اقدامات پر بریفنگ دی گئی اور صدر کو سکھ مذہب اور کرتارپور کی تاریخ کے بارے میں آگاہ کیا گیا۔
