اسلام آباد: وزارت قانون کے بعد چیف جسٹس اسلام آباد ہائی کورٹ نے سیشن جج ناصر جاوید رانا کو احتساب عدالت کا جج جبکہ محمد بشیر کو او ایس ڈی بنا دیا۔
تفصیلات کے مطابق وزارت قانون کے بعد اسلام آباد ہائی کورٹ کے چیف جسٹس نے بھی سیشن جج کو احتساب عدالت کا جج بنانے کی منظوری دے دی جس کے بعد اسلام آباد ہائی کورٹ سے ناصر جاوید رانا کے جج احتساب عدالت کی تعیناتی کا نوٹیفکیشن جاری کر دیا گیا۔
احتساب عدالت کے سابق جج محمد بشیر کو اسلام آباد ہائی کورٹ رپورٹ کرنے کی ہدایت کی جس کے بعد وہ بطور او ایس ڈی اسلام آباد ہائی کورٹ رپورٹ کریں گے۔سپیشل جج سینٹرل شاہ رخ ارجمند کو سیشن جج ایسٹ اسلام آباد تعینات کر دیا گیا ہے۔ رجسٹرار اسلام آباد ہائی کورٹ نے تبادلوں اور تقرریوں کا نوٹیفکیشن جاری کر دیا۔
