اسلام آباد ہائی کورٹ نے وفاقی دارالحکومت سے جیتنے والے ن لیگ کے 3 ایم این ایز کی کامیابی کا نوٹیفکیشن معطل کردیا۔اسلام آباد ہائی کورٹ کے جسٹس میاں گل حسن اورنگزیب اور جسٹس ارباب محمد طاہر نے احکامات جاری کیے اور عدالت نے این اے 47 سے (ن) لیگ کے امیدوار طارق فضل چوہدری کی کامیابی کا نوٹیفکیشن معطل کردیا۔اس کے علاوہ عدالت نے حلقہ این اے 46 سے مسلم لیگ (ن) کے انجم عقیل کی جیت کا نوٹیفکیشن معطل کردیا جسے پی ٹی آئی کے حمایت یافتہ آزاد امیدوار عامر مغل نے چیلنج کیا تھا۔عدالت نے اسلام آباد کے حلقہ این اے 48 سے (ن) لیگ کے راجہ خرم نواز کی جیت کا نوٹیفکیشن بھی معطل کر دیا، جسے پی ٹی آئی کے حمایت یافتہ امیدوار علی بخاری نے چیلنج کیا تھا۔
