چیف جسٹس سندھ ہائی کورٹ عقیل احمد عباسی نے صوبے بھر میں انتخابی درخواستوں کی سماعت کے لیے ٹربیونلز تشکیل دے دیے۔
رجسٹرار سندھ ہائی کورٹ نے الیکشن ٹربیونلز کا نوٹیفکیشن جاری کردیا جس کے مطابق کراچی ڈویژن کے لیے پرنسپل سیٹ ہائی کورٹ میں انتخابی عذرداری کی سماعت ہوگی۔
نوٹیفکیشن کے مطابق کراچی ڈویژن میں انتخابی عذرداری کی سماعت کے لیے دو بینچ تشکیل دے دیے گئے ہیں، بینچ ون میں جسٹس محمد کریم خان آغا اور بینچ ٹو کے جسٹس عدنان اقبال چوہدری شامل ہوں گے۔
