اسلام آباد: الیکشن کمیشن نے 8 فروری کو ہونے والے عام انتخابات کے لیے ملک بھر میں 90 ہزار 675 پولنگ اسٹیشنز قائم کر دیے ہیں۔
الیکشن کمیشن کے مطابق مردوں کے لیے 25 ہزار 320 پولنگ اسٹیشنز اور خواتین کے لیے 23 ہزار 952 پولنگ اسٹیشنز قائم کیے گئے ہیں جب کہ ملک بھر میں مردوں اور خواتین کے پولنگ اسٹیشنز کی مجموعی تعداد 41 ہزار 403 ہے۔
الیکشن کمیشن کے مطابق پنجاب میں مجموعی طور پر 50 ہزار 944 پولنگ اسٹیشنز قائم کیے گئے ہیں، پنجاب میں مردوں کے لیے 14 ہزار 556 پولنگ اسٹیشنز اور خواتین کے لیے 14 ہزار 36 پولنگ اسٹیشنز قائم کیے گئے ہیں، جب کہ مردوں کے لیے پولنگ اسٹیشنز کی تعداد اور صوبے میں خواتین کی تعداد 22 ہزار 352 ہے۔
الیکشن کمیشن کے مطابق سندھ میں مجموعی طور پر 19 ہزار 6 پولنگ اسٹیشنز قائم کیے گئے ہیں، سندھ میں مردوں کے لیے 4 ہزار 443 پولنگ اسٹیشنز اور خواتین کے لیے 4 ہزار 313 پولنگ اسٹیشن قائم کیے گئے ہیں۔
الیکشن کمیشن کے مطابق خیبرپختونخوا میں مجموعی طور پر 15 ہزار 697 پولنگ اسٹیشنز قائم کیے گئے ہیں جن میں مردوں کے لیے 4 ہزار 810 اور خواتین کے لیے 4 ہزار 286 پولنگ اسٹیشنز ہیں۔
الیکشن کمیشن کے مطابق بلوچستان میں مجموعی طور پر 5 ہزار 28 پولنگ اسٹیشنز قائم کیے گئے ہیں، بلوچستان میں مردوں کے لیے 1 ہزار 511 اور خواتین کے لیے 1 ہزار 317 پولنگ اسٹیشنز قائم کیے گئے ہیں جب کہ مردوں کے لیے پولنگ اسٹیشنز کی تعداد خواتین کی تعداد 2 ہزار200ہے۔
