جنوبی کوریا جو سب سے کم شرح پیدائش والا ملک ہے کو آبادی میں کمی کے بحران کا سامنا کر رہا ہے۔ ایک تعمیراتی کمپنی نے اپنے ملازمین کو بچے پیدا کرنے کی ترغیب دینے کے لیے فی بچہ پچھتر ہزار ڈالر سے زائد کے بونس کا اعلان کیا ہے۔
جنوبی کوریا کی تعمیراتی کمپنی بوئنگ گروپ نے ملک کی انتہائی کم شرح پیدائش کو بڑھانے میں مدد کے لیے ایک پروگرام کا اعلان کیا ہے۔ سیئول میں قائم کمپنی نے ایک بیان میں کہا ہے کہ وہ ہر بار بچے کی پیدائش پر ملازمین کو 100 ملین کوریائی ون ($75,359) انعام دے گی۔ یہ پیشکش کمپنی کے تمام مرد اور خواتین ملازمین کے لیے ہے۔
کمپنی نے بیان میں مزید کہا کہ وہ 2021 سے اب تک 70 بچوں کو جنم دینے والے ملازمین کو مجموعی طور پر 7 بلین کورین وون ($ 5.27 ملین) نقد رقم بھی ادا کرے گی۔
دی کوریا ٹائمز کے مطابق، اپنے ملازمین کو بچے پیدا کرنے کی ترغیب دینے کے لیے ایک بڑی رقم مختص کرنے کا فیصلہ جنوبی کوریا میں کسی بھی کمپنی یا تنظیم کے لیے اپنی نوعیت کا پہلا ہے۔
