ہانیہ عامر اور گلوکار عاصم اظہر کے درمیان رومانوی تعلقات قائم تھے، بعد میں اس جوڑی کا بریک اپ ہوگیا تھا۔ جس کے بعد عاصم اظہر نے اداکارہ میرب علی سے منگنی کرلی تھی۔معروف میک آرٹسٹ بابر ظہیر نے کہا ہے کہ خوبرو اداکارہ ہانیہ عامر اگلے ماہ شادی کررہی ہیں۔گلوکار عاصم اظہر سے بریک اپ کے بعد ہانیہ عامر کے مداح اداکارہ کی شادی کے منتظر ہیں کہ وہ کب اور کس سے شادی کریں گی۔اسی دوران سوشل میڈیا سائٹ انسٹاگرام پر ایک ویڈیو وائرل ہورہی ہے جس میں ہانیہ عامر اپنے میک آرٹسٹ بابر ظہیر سے اپنا ہیئر اسٹائل بنوا رہی ہیں۔ویڈیو میں میک اپ آرٹسٹ کہتے ہیں کہ اگلے ماہ ، یہ سن کر اداکارہ الجھن کا شکار ہوجاتی ہیں۔ہانیہ عامر کی شادی ہورہی ہے ۔ہانیہ عامر کے چہرے کے تاثرات دیکھ کر بابر ظہیر پوچھتے ہیں کہ کیا یہ مضحکہ خیز ہے؟ جس پر ہانیہ کہتی ہیں کہ یہ مضحکہ خیز نہیں ہے۔
