![تربت کے سیلاب سے متاثرہ علاقے میں پاک فوج کا کامیاب ریسکیو آپریشن](https://dailyakhbarehaq.com/wp-content/uploads/2024/02/turbat-1.jpg)
راولپنڈی / کوئٹہ: پاک فوج اور ایف سی نے تربت کے علاقے سمی میں کامیاب ریسکیو آپریشن کرتے ہوئے شہریوں کو محفوظ مقام پر منتقل کردیا۔
تربت کے علاقے سمی میں سیلاب کے بعد علاقہ مکین مشکل میں پھنس گئے جس پر پاک فوج نے بروقت فیصلہ کرتے ہوئے سیلاب میں پھنسے شہریوں کو نکالا اور 3 فروری کو پاک فوج کے ہیلی کاپٹرز اور فرنٹیئر کور ایف سی کے دستے تربت کے سیلاب سے متاثرہ علاقے سمی میں کامیاب ریسکیو اور ریلیف آپریشن کیا۔
آپریشن کا مقصد سیلاب سے متاثرہ علاقے میں پھنسے بچوں سمیت 9 افراد کو نکالنا تھا۔ قریبی فرنٹیئر کور (جنوبی بلوچستان)کے کیمپ میں بچائے گئے افراد کو بروقت طبی امداد اور ضروری ادویات فراہم کی گئیں۔
پاک فوج اور ایف سی کی بروقت کارروائی پر علاقہ مکینوں نے خوشی کا اظہار کیا۔ مسلح افواج قدرتی آفات میں لوگوں کی حفاظت کو یقینی بناتے ہوئے کسی بھی ابھرتے ہوئے چیلنج کا جواب دینے کے لیے چوکس ہیں۔