افغانستان یاد رکھے پاک فوج نے بھارت کو گھٹنے ٹیکنے پر مجبور کیا تھا: گورنر سندھ

گورنرسندھ کامران خان ٹیسوری نے کہا ہے کہ پاکستان کی محتاط جوابی کارروائی افغانستان کے لیے سبق ہے۔افغانستان کی جانب سے کی جانے والی اشتعال انگیزی پر گورنر سندھ نے اپنے بیان میں کہا کہ پاک فوج نے ایٹمی طاقت بھارت کو 6 گھنٹے میں گھٹنے ٹیکنے پر مجبور کیا تھا، افغانستان نہ بھولے پاک فوج نے بھارت کو ناکوں چنے چبوائے تھے۔انہوں نے کہا کہ افغانستان کی بلااشتعال کارروائی پر پاکستان نے ابھی چند اہداف کو نشانہ بنایا ہے، افغانستان کسی زعم میں ہے تو پاکستان یہی پہاڑ طالبان کے سر پر توڑ دےگا۔گورنر سندھ کا کہنا تھا برطانیہ، سوویت یونین اور امریکا کو ہرانے کی باتیں کرنے والے حقیقت سےلاعلم ہیں۔