پاکستان کرکٹ ٹیم کے سابق کپتان شاہد آفریدی سیلاب متاثرین کی امداد کے لیے خیبرپختونخوا کے ضلع صوابی پہنچ گئے۔شاہد آفریدی نے سیلاب سے متاثرہ علاقے دالوڑی پایاں کا دورہ کیا اور سانحے میں جاں بحق افراد کے لواحقین سے تعزیت کی۔شاہد آفریدی نے متاثرہ گھروں اور علاقے میں ہونے والے نقصانات کا جائزہ لیا جبکہ ان کی جانب سے متاثرہ افراد میں اشیائے ضروریہ بھی تقسیم کی گئیں۔ ڈپٹی کمشنر نصراللہ خان کی جانب سے شاہد آفریدی کو سیلاب سے ہونے والے نقصانات پر بریفنگ بھی دی گئی۔اس موقع پر شاہدآفریدی کا کہنا تھا کہ سیلاب متاثرین کے ساتھ ہر ممکن تعاون کروں گا۔
