پاکستان اور ایران کے بعد متحدہ عرب امارات (یو اے ای) نے بھی ان افغان باشندوں کو واپس افغانستان بھیجنا شروع کردیا ہے جو طالبان کے افغانستان کا نظام سنبھالنے کے بعد ملک سے فرار ہوئے تھے۔متحدہ عرب امارات سے انخلا کا عمل 10 جولائی سے شروع کیا گیا ہے۔ 2 لاکھ افغان شہریوں کو امریکی درخواست پر متحدہ عرب امارات میں عارضی پناہ دی گئی تھی۔میڈیا رپورٹس کے مطابق ایران، پاکستان اور دیگر ممالک اب ان افغان باشندوں کو سکیورٹی رسک سمجھنے لگے ہیں۔خیال رہے کہ گزشتہ روز امریکی صدر ڈونلڈ ٹرمپ نے ایک بیان میں کہا تھا کہ وہ متحدہ عرب امارات میں پھنسے افغان شہریوں کی مدد کریں گے۔ٹرتھ سوشل پرکی گئی پوسٹ میں ٹرمپ کا کہنا تھا کہ میں انہیں بچانے کی کو کوشش کروں گا اور اس کے لیے ابھی سے کام شروع کر رہا ہوں۔
