فیڈرل بورڈ آف ریونیو (ایف بی آر) لاہور نے آمدنی کے مطابق ٹیکس نہ دینے والے صنعت کاروں اور تاجروں کے اثاثوں کی چھان بین کا فیصلہ کیا ہے۔ذرائع ایف بی آر کے مطابق عالی شان بنگلوں اور بڑی کوٹھیوں میں رہنے والے بہت کم ٹیکس دے رہے ہیں۔ذرائع کا کہنا ہےکہ ایف بی آر لاہورپہلے مرحلے میں ٹیکس کم دینے والے صنعت کاروں اور تاجروں کو نوٹس جاری کرےگا۔ ایف بی آر اگر جواب سے مطمئن نہ ہوا تو پھر قانونی کارروائی عمل میں لائی جائےگی۔ذرائع نے بتایا ہےکہ ایف بی آر نے تاجروں کے شاہانہ رہن سہن کا ڈیٹا اکٹھا کرلیا ہے۔ذرائع کے مطابق آمدن کے مطابق ٹیکس نہ دینے والوں میں مختلف مارکیٹ صدور، چیمبر اور فیڈریشن کے موجودہ اور سابق عہدیدار شامل ہیں۔
