لاہور: قومی ہاکی ٹیم کے کھلاڑی تاحال ڈیلی الاؤنس کے منتظر ہیں۔ذرائع کے مطابق ڈیلی الاؤنس کے معاملے پر اب تک پیشرفت نہیں ہوسکی ہے اور فیڈریشن کے عہدیداران نے جواب دینا بھی بند کردیا ہے۔ذرائع کا بتانا ہے کہ اب کھلاڑیوں کے صبر کا پیمانہ لبریز ہونے لگا ہے اور وہ جواب نہ ملنے پر شدید غصے میں ہیں، فی کھلاڑی کے تقریباً 5،5 لاکھ روپے واجب الادا ہیں۔ذرائع کے مطابق ایف آئی ایچ نیشنز کپ کے دوران انٹر نیشنل ڈیلیز ادا نہ ہو ئیں جب کہ اسلام آباد میں 2 مرحلوں میں لگائے جانے والے کیمپس کی بھی ڈیلیز نہیں ملیں۔ذرائع نے مزید بتایا کہ کھلاڑیوں کو انٹرنیشنل 30 ہزار روپے اور ڈومیسٹک 3 ہزار روپے ڈیلی الاؤنس ملتا ہے۔
