وزیردفاع خواجہ آصف نے کہا ہے کہ آج بھی مسلمانوں کا یزیدیت کے ہاتھوں خون بہہ رہا ہے اور فلسطین کے لوگ کربلا کی یاد کو دہرا رہے ہیں۔وزیردفاع خواجہ آصف نے عاشور کے جلوس میں شرکت کی اور میڈیا سے گفتگو میں کہاکہ حضرت امام حسینؓ نے اسلام کی حفاظت کیلیے اپنے خاندان کی قربانی دی۔ان کا کہنا تھاکہ آج بھی مسلمانوں کا یزیدیت کے ہاتھوں خون بہہ رہا ہے، فلسطین کے لوگ کربلا کی یاد کو دہرا رہے ہیں۔خواجہ آصف کا کہنا تھاکہ پاکستان سمیت دیگرمسلم ممالک نے فلسطین کے حق میں آواز بلند کی، دنیا کے ڈیڑھ ارب مسلمان مصلحت کا شکار ہیں، یوم عاشور پر مقبوضہ کشمیر میں پابندیاں لگائی گئیں، مقبوضہ کشمیر میں اس قسم کی پابندیاں پہلے کبھی نہیں لگائی گئیں۔انہوں نے کہا کہ پاک بھارت جنگ میں مودی کاتکبراور سندور اجڑا۔
