دبئی: قومی ٹیم کے اسپنر ابرار احمد اور بھارتی صحافی میں سخت سوال و جواب کا تبادلہ ہوا۔گزشتہ روز دبئی میں کھیلے گئے آئی سی سی چیمپئنز ٹرافی کے میچ میں بھارت نے یکطرفہ مقابلے کے بعد پاکستان کو 6 وکٹوں سے شکست دی تھی، بھارت کی جانب سے ویرات کوہلی نے شاندار سنچری اسکور کی تھی جبکہ پاکستان کی جانب سے شاہین آفریدی نے دو اور ابرار احمد نے ایک وکٹ حاصل کی تھی۔میچ کے بعد ابرار احمد کا کہنا تھا وکٹ لینے کے بعد خوشی کا اظہار میرا منفرد انداز ہے، میں ہر میچ میں اسی طرح وکٹ لینے کا جشن مناتا ہوں۔بھارتی صحافی نے ابرار احمد سے کہا آپ کو جشن منانے کا انداز منہگا پڑ گیا، جس پر ابرار احمد نے کہا کس طرح مہنگا پڑا۔بھارتی صحافی کا کہنا تھا آپ میچ ہار گئے، ابرار احمد نے جواب میں کہا کوئی بات نہیں، میچ میں ہار جیت ہوتی ہے، مایوسی ہوئی، ہمارے دل پر کیا گزری، یہ صرف اللہ جانتا ہے، بھارتی بیٹرز نے محتاط بیٹنگ کی، پاک بھارت میچ میں خصوصی تیاری نہیں کی تھی، صرف نظم و ضبط سے بولنگ کی۔
