حکومت کا حصہ نہیں بنیں گے، معاملات ایک یا دو روزمیں طے ہوجائیں گے، پیپلز پارٹی

لاہور: پیپلز پارٹی کے ترجمان فیصل کریم کنڈی نے کہا ہے کہ پارٹی کی سینٹرل ایگزیکٹو کمیٹی نے فیصلہ کیا ہے کہ ہم حکومت کا حصہ نہیں بنیں گے۔

فیصل کریم کنڈی نے گفتگو کرتے ہوئے کہا کہ مسلم لیگ (ن) اور پیپلز پارٹی کے درمیان آج یا کل تک معاملات طے پا جائیں گے، (ن) لیگ کے ساتھ 16 ماہ کے اتحاد کا تجربہ اچھا نہیں رہا۔ چاہتے ہیں کہ ماضی میں جو مسائل تھے وہ مستقبل میں موجود نہ ہوں۔

انہوں نے کہا کہ پیپلز پارٹی اور (ن) لیگ کے منشور میں فرق ہے، پیپلز پارٹی کا منشور اس وقت نافذ العمل ہو گا جب وزیر اعظم ان کی پارٹی سے ہو گا، جو لوگ 3 سال اور 2 سال کےلئے وزیر اعظم بنیں گے ان کے لیے کوئی فارمولا نہیں چلے گا۔۔

پی پی رہنما کا کہنا تھا کہ ہم پر پارٹی کی جانب سے کابینہ کا حصہ نہ بننے کا بہت دباؤ ہے اور پیپلز پارٹی کی سینٹرل ایگزیکٹو کمیٹی نے فیصلہ کیا ہے کہ ہم آئینی طور پر الیکشن لڑتے ہوئے حکومت کا حصہ نہیں بنیں گے۔ پوسٹس ہمارا جمہوری فرض ہے۔ یہ درست ہے.

ان کا مزید کہنا تھا کہ قیادت بہت جلد وزیراعلیٰ سندھ کا نام فائنل کرے گی۔