بیجنگ: ہانگ کانگ میں غباروں سے بنے ڈریگن کے مجسمے نے عالمی ریکارڈ قائم کردیا۔
میڈیا رپورٹس کے مطابق ہانگ کانگ کے ایک شاپنگ مال میں لگ بھگ 38 ہزار غباروں سے بنے ڈریگن کے مجسمے نے گنیز ورلڈ ریکارڈ اپنے نام کر لیا ہے۔
بیلون آرٹ کے ماہرین زی ٹائی ولسن پینگ اور کن لنگ ہو نے 60 سے زائد رضاکاروں کے ساتھ مل کر یہ حیرت انگیز کارنامہ سرانجام دیا۔
مکمل ہونے کے بعد، بیلون ڈریگن کی لمبائی 137.04 فٹ تھی، جس سے اسے گنیز ورلڈ ریکارڈ کے ذریعے دنیا کے سب سے بڑے بیلون ڈریگن کا اعزاز حاصل ہوا۔
یہ مجسمہ چینی نئے سال کی تقریبات کے ایک حصے کے طور پر بنایا گیا تھا اور فروری کے آخر تک اپنی جگہ پر موجود رہے گا۔ دونوں فنکاروں نے کہا کہ سب سے بڑا چیلنج اس بات کو یقینی بنانا تھا کہ ڈریگن غباروں کے علاوہ کسی اور سہارے کے بغیر جگہ پر رہے۔
