غزہ میں اسرائیلی فوج کا ظلم جاری، 24 گھنٹوں میں مزید 117 فلسطینی شہید ہوگئے۔اسرائیلی فوج نے رفح میں ایک مکان پر بمباری کرکے 25 فلسطینیوں کو شہید کردیا۔
غزہ میں شہدا کی کل تعداد 28 ہزار 64 ہو گئی ہے جبکہ 67 ہزار 611 افراد زخمی ہوئے ہیں۔
صہیونی فوج نے الامال اسپتال میں مریضوں اور عملے کو یرغمال بنالیا جس پر عالمی ادارہ صحت نے شدید تشویش کا اظہار کیا ہے۔
سفاک فوج نے محفوظ قرار دیے گئے سرحدی علاقے رفح پر زمینی حملے کا منصوبہ بنایا اور رفح سے لاکھوں شہریوں کو فوری طور پر نکالنے کا حکم دیا۔ اطلاعات کے مطابق 1.9 ملین بے گھر فلسطینیوں نے رفح میں پناہ لے رکھی ہے۔
یورپی یونین کی خارجہ پالیسی کے سربراہ جوزپ بوریل نے خبردار کیا ہے کہ رفح میں اسرائیلی جارحیت ایک "ناقابل بیان انسانی تباہی” اور مصر کے ساتھ مزید کشیدگی کا باعث بنے گی۔
